Eid hagelag på tur til Florø - nokre glimt frå ein flott dag!

Da vi kom til Florø besøkte vi først Rognaldsen gartneri, og la nok att nokre kroner... Etterpå fekk vi sjå den frodige og innhaldsrike hagen til Randi Huus Hovden i Florø. Eg har dessverre ikkje bilder derifrå, men om du går inn på bloggen hennar finn du massevis av fine bilder, da Randi er ein habil fotograf. Her er bloggen: Randi sin vestlandshage

 

 
 


Berit Steen og Kjartan Godø tok gjestfritt imot oss ute på øya Hovden, ein halvtimes båttur frå Florø. Vi fekk vandre rundt i den flotte hagen deira, og så fekk vi servert nydeleg suppe ved langbordet i atelieret. Her er nokre glimt frå hagen deira, som ikkje mangla nokon ting. Dei har dam, pergola, frukttre og masse spennande busker, tre og stauder.

Denne flotte porten har Berit teikna og laga sjølv. Den er verkeleg unik.

 

Randi hadde masse å fortelje, og hagegjengen følger intenst med.

Det var ein kjøleg og fuktig junidag - akkurat slik primulaene likar det!

 

TUR TIL FLORØ OG ØYA HOVDEN LAURDAG 8. JUNI

Laurdag 8. juni planlegg vi tur til Florø og øya Hovden. Vi fyller opp bilane våre og køyrer frå Nordfjordeid busstasjon. Når vi kjem fram til Florø skal vi besøke Rognaldsen gartneri først, og så skal vi besøke den svært frodige og innhaldsrike villahagen til Randi Huus Hovden. Når vi er ferdige der tek vi båt ut til Hovden, der vi skal få beundre og nyte hagen til Berit Steen som ligg i det forblåste kystlandskapet ut mot havet.

Vi må reikne med at dagen går med, så set av tida. Dette trur vi blir ein kjekk og spennande tur, så hiv deg med.

Det blir påmeldingsfrist torsdag 6. juni, og vi må sette eit tak ved 19 deltakarar på grunn av båten vi har leigd ut på øya. Det er lagt opp til at vi skal spasere eit stykke til rutebåten når vi skal tilbake,
så ta på deg gode sko. Alt etter været den dagen så kan det kanskje kome godt med med varme klede også.

Ta med deg matpakke, da vi har stramt program og får lita tid til å stanse på kafear og butikkar.Vi et litt  i den første besøkshagen, og legg opp til eit fellesmåltid på Hovden. Vi ordnar med kaffe (pulver) og te, men kaldt drikke må du ta med sjølv. Vi har med brødmat og litt enkelt pålegg, samt ei kake.

OBS! TUREN VIL KOSTE KR. 400,- Dette dekker reisa med ferjer, mat og kaffe og leige av båtskyss til Hovden. Påmelding på eidhagelag@yahoo.no eller til tlf. 91556220/91645057 innan torsdag 6. juni.

Under finn du ei lenke til nokre bilete frå Hovden og til det innhaldsrike gartneriet i Florø.
HOVDEN
ROGNALDSEN GARTNERI

PROGRAM
07.00: Oppmøte på rutebilstasjonen på Nordfjordeid.
07.30: Ferje Stårheim - Isane
09.00 ca. Florø og Rognaldsen gartneri.
10.30: Vi besøker hagen til Randi Huus Hovden
12.30: avreise med båt frå Florø havn.
13.00: Kittang på Hovden. Vi besøker hagen til Bodil Steen.
15.15: Vi går til rutebåten. Det tek om lag 25 minutt.
16.00: Rutebåten fraktar oss tilbake til Florø.
18.50: Ferje Isane - Stårheim.
19.35: Ankomst rutebilstasjonen på Nordfjordeid.

Alle er velkomne!

Hagetur laurdag 19. mai

 

Så er vi snart klar for dagstur til Sunnmøre, nærare bestemt Spjelkavika og Ørsta/Volda. Vi ser fram til omvising i Rhododendronsamlinga til Ole Johnny Larsen i Spjelkavik. Han har ei stor samling med skjeldne plantar, og har stor fagkunnskap på området. I tillegg har han utsal, så her har du sjansen til å skaffe deg variantar som naboen garantert ikkje har! På heimesida hans kan du lese meir både om plantar som er til sals, og bøkene han har skreve. Deretter går turen til Viddals gartneri i Brusdalen. Dei er kjende for å ha godt utval av alle slags plantar til hagen. På heimvegen besøker vi hagen til Turid Mork Bakke på Mork. Undervegs legg vi turen innom ein kafe og får oss litt mat. Den må vi betale sjølv.

Vi møtast ved busstasjonen på Eid kl. 9, og fordeler oss i bilane. Det kostar kr. 50,- å delta. Dette skal dekke kostnader med annonsering og kaker/kaffe. I tillegg deler vi på reiseutgiftene. Det blir som vanleg loddsal.

Da kryssar vi fingrane for braukbart turvær, og seier VEL MØTT!